घरेलु मैदानमा रियलमाथि सिटीको जित

काठमाडौं- युइएफए च्याम्पियन्स लिग फुटबलको पहिलो सेमिफाइनलमा इंग्लिस क्लब म्यानचेस्टर सिटीले जित निकालेको छ।

यूईएफए च्याम्पियन्स लिगमा घरेलु टोली म्यानचेस्टर सिटीले रियल मड्रिडविरुद्ध ४-३ अन्तरको अग्रता लिएको हो।

म्यानचेस्टर स्थित इतिहाद रंगशालामा भएको खेलमा दुबै टोली आक्रमणमा केन्द्रीत रहँदा पहिलो लेगमै सात गोल प्रहार भयो। इग्लिस प्रीमियर लिग लिडरसमेत रहेको सिटीले सुरुआत २-० को अग्रता गुमाएको थियो। खेलको पहिलो हाफमा तीन गोल हुँदा दोस्रो हाफमा चार गोल थपिए।

सिटीको जितमा केभिन डे ब्रुयन, गाब्रीयल जेसुस, फिल फोडेन र बर्नाण्डो सिल्भाले १-१ गोल गरे। भ्रमणकारी स्पेनिस ला लिगा लिडर रियलको लागि करिम बेन्जेमाले एक पेनाल्टी सहितजम्मा २ गोल गरे। यस्तै भिनिसिअस जुनियरले १ गोल गरे।

पराजित बाबजुद रियलले अवे खेलको फाइदा भने उठाएको छ। पेरिसमा हुने फाइनल पुग्न दोस्रो लेगमा सिटीलाई बराबर काफी छ भने रियललाई जितको बिकल्प छैन। दोस्रो लेग अब रियलको घरेलु मैदानमा ५ मेमा हुनेछ।