'फिल्म साउथ एसिया २०२२' बिहीबारदेखि

दक्षिण एसियाली डकुमेन्ट्रीहरुको महोत्सव ‘फिल्म साउथ एसिया–२०२२’ भोलि बिहीबारदेखि ललितपुरमा सुरु हुने भएको छ।

नेपाल समय | बुधबार, वैशाख ७, २०७९

नेपाल समय

बुधबार, वैशाख ७, २०७९

काठमाडौं– दक्षिण एसियाली डकुमेन्ट्रीहरुको महोत्सव ‘फिल्म साउथ एसिया–२०२२’ भोलि बिहीबारदेखि ललितपुरमा सुरु हुने भएको छ। महोत्सवको यो १३ औं संस्करण हो, जसमा आठ मुलुकका ७१ फिल्म प्रदर्शन हुने भएका छन्।

आगामी आइतबारसम्म पाटनढोकास्थित यलमाया केन्द्रमा चल्ने फेस्टिभलको थिम यसपटक ‘सेलेब्रेटिङ द डकुमेन्ट्री’ राखिएको छ। कोरोना महामारीपछि पहिलोपटक भौतिक रुपमै यसपटक महोत्सव हुन लागेको हो।

भारतीय गायिका, संगीतकार र गीतकार सोना मोहापत्रबारे बनेको वृत्तचित्र ‘सट अप सोना’को प्रदर्शनसँगै महोत्सव सुरु हुने तय भएको छ। उद्घाटनमा सोना उपस्थित हुने आयोजकले जनाएको छ।

महोत्सवमा दक्षिण एसियाली मुलुकका सामाजिक, सांस्कृतिक आन्दोलनसहित मानव अधिकार, वातावरण र मानवीय मूल्यका आयामबारे प्यानल छलफल समेत आयोजना गरिने आयोजकको भनाइ छ। साथै यसअघि विभिन्न फिल्म महोत्सवमा अवार्ड जितेका नेपाली वृत्तचित्र पनि प्रदर्शन गरिनेछ।

प्रकाशित: Apr 20, 2022| 14:49 बुधबार, वैशाख ७, २०७९