गठबन्धनले टुंग्यायो ६ महानगरका उपमेयर पनि, कसलाई कहाँ?

काठमाडौं- लामो रस्साकस्सीबीच सत्तारुढ गठबन्धनमा रहेका दलहरुले महानगरपालिकामा उपमेयरको टुंगो लगाएका छन्। देशभर रहेका ६ वटा महानगरपालिकाहरुमा उपमेयर कुन पार्टीलाई दिने भन्‍ने टुंगो लगाएका हुन्। 

प्रधानमन्त्रीको सरकारी निवास बालुवाटारमा बसेको गठबन्धनको मंगलबारको बैठकले सत्ताको नेतृत्व गरिरहेको दल नेपाली कांग्रेसको भागमा पर्साको वीरगञ्‍ज, चितवनको भरतपुर र पोखरा महानगरपालिकाको उपप्रमुखको उम्मेदवार उठाउने सहमति गरेको छ। 

त्यसैगरी माओवादी केन्द्रले ललितपुर महानगरपालिकाको उपप्रमुख पाएको छ। नेकपा (एकीकृत समाजवादी)ले काठमाडौं र जनता समाजवादी पार्टी (जसपा)ले विराटनगर महानगरपालिकाको उपप्रमुख पाएको छ।

यसअघि गठबन्धनले माओवादी केन्द्रलाई भरतपुर, कांग्रेसलाई ललितपुर, काठमाडौं र विराटनगर, जसपालाई वीरगञ्‍ज र पोखरामा एकीकृत समाजवादी दिने सहमति गरेको थियो। पोखरामा कांग्रेस र एकीकृत समाजवादीको दाबी भए पनि अन्तिममा कांग्रेस पछि हटेको हो।