काठमाडौं– सत्ता गठबन्धनका शीर्ष नेताहरुको बैठक एक घण्टा ढिला गरी सुरु भएको छ।
यसअघि साढे ११ बजे तय भएको बैठक आज दिउँसो दुई बजेलाई सारिए पनि तीन बजेदेखि सुरु भएको प्रधानमन्त्रीको सचिवालयले जनाएको छ।
आशन्न स्थानीय तह निर्वाचनमा सिट बाँडफाँटको विषयमा टुंगो लगाउन बैठक बसेको हो। गठबन्धनका नेताहरु आ–आफ्नो अडानमा कायम रहेपछि महानगर र उपमहानपालिकाको भागबण्डा टुंगो लाग्न सकेको छैन।
यही वैशाख ३० गते शुक्रबार एकै चरणमा हुन लागेको स्थानीय निर्वाचनका लागि उम्मेदवारी मनोनयन ११ र १२ वैशाखमा हुँदैछ।