निलम्बित गभर्नर अधिकारीको रिट हरिप्रसाद फुयालको इजलासमा

सरकारले छानबिन गर्ने भन्दै पदबाट निलम्बन गरेपछि त्यसविरुद्ध सर्वोच्च अदालत पुगेका नेपाल राष्ट्र बैंकका गभर्नर महाप्रसाद अधिकारीको रिटको सुनुवाइ न्यायाधीश हरिप्रसाद फुयालको इजलासमा तोकिएको छ।

नेपाल समय | मंगलबार, वैशाख ६, २०७९

नेपाल समय

मंगलबार, वैशाख ६, २०७९

काठमाडौं– सरकारले छानबिन गर्ने भन्दै पदबाट निलम्बन गरेपछि त्यसविरुद्ध सर्वोच्च अदालत पुगेका नेपाल राष्ट्र बैंकका गभर्नर महाप्रसाद अधिकारीको रिटको सुनुवाइ न्यायाधीश हरिप्रसाद फुयालको इजलासमा तोकिएको छ।

अधिकारीले आइतबार सर्वोच्चमा वकिलमार्फत रिट हालेका थिए। उनले दायर गरेको रिटको सुनुवाइ आजका लागि तोकिएको हो। उनले छानबिन समिति खारेज गरी आफ्नो तत्काल पुनर्बहालीका लागि आदेश माग गरेका छन्।

गभर्नर अधिकारीलाई सरकारले चैत २४ गते बिहीबार छानबिन गर्न समिति गठन गरी उनलाई निलम्बन गर्ने निर्णय गरेको थियो।

सर्वोच्चले अधिकारीको पक्षमा फैसला गरे उनी पुनर्बहाली हुनेछन्। त्यसो नभए छानबिन समितिले प्रतिवेदन बुझाएर सरकारले निर्णय नगरुन्जेल उनी निलम्बन हुनेछन्। छानबिन समितिलाई एक महिनाको समय दिइएको छ।

प्रकाशित: Apr 19, 2022| 10:50 मंगलबार, वैशाख ६, २०७९