नेपालले गुमायो ६ महत्वपुर्ण विकेट, पार गर्‍यो शतक

काठमाडौं- जारी खेलमा नेपालले छ महत्वपुर्ण विकेट गुमाएको छ। 

१२.२ ओभरमा पहिलो विकेटको रुपमा अनिल साहलाई गुमाएको नेपालले त्यसपछि लगातार तीन विकेट गुमाएको हो। अनिल ३२ बल खेल्दै तीन चौकाको मद्दतमा २१ रन जोड्दै पेविलियन फर्केका थिए।

त्यसपछि मैदानमा आएका कप्तान पारस खड्का २१ बल खेल्दै एक चौका प्रहार गरेर आउट भए। उनले १२ रन जोडे। 

तेस्रो विकेटको रुपमा अर्धसतक प्रहार गरेका उपकप्तान ज्ञानेन्द्र मल्ल ५१ रनमा आउट भए। उनले ६१ ब्लमा ८ चौका प्रहार गरे। 

चौथो र पाँचौं विकेटका लागि क्रिजमा आएका आरिफ सेख, सोमपाल कामी र बसन्त रेग्मी शुन्य रनमा आउट भए। अहिले क्रिजमा दिपेन्द्र सिंह ऐरी र शक्ति गौचन खेली रहेका छन्।

नेपालले जारी खेलमा पहिलो शतक पुरा गरेको छ। अब जितका लागि उसले ९० रन बनाउनुपर्ने छ।