आईपीएलको शीर्ष स्थानमा उक्लिने प्रयासमा कोलकाता

काठमाडौं– भारतमा जारी इन्डियन प्रमियर लिग (आईपीएल) क्रिकेटमा आज २५औं चरणको खेल सुरु हुँदैछ।

आजको खेलमा श्रेयस ऐयर कप्तानीमा रहेको कोलकाता नाइट राइडर्सले केन विलियम्सनको कप्तानीमा रहेको सनराइजर्स हैदराबादसँग भिड्दै छ। खेल नेपाली समयअनुसार बेलुका पौने ८ बजे सुरु हुनेछ।

५ खेल खेल्दा ३ मा जित र २ मा हार व्यहोरेको कोलकाता ६ अंकका साथ तालिकाको दोस्रो स्थानमा रहेको छ। आजको  खेलमा विजयी भए ऊ  तालिकाको शिर्ष स्थानमा उक्लिने छ। त्यस्तै ४ खेल खेलेको हेदराबाद २ मा जित र २ मा हार व्यहोर्दै ४ अंकका साथ तालिकाको ८ औं स्थानमा रहेको छ।

२५ औं खेलसम्म आइपुग्दा गुजरात टाइटन्स ६ खेल बाट ८ अंकका साथ तालिकाको शिर्ष स्थानमा रहेको छ। बिहीबार राति भएको खेलमा राजस्थान रोयल्सलाई हराउँदै गुजरात तालिकाको शिर्ष स्थानमा उक्लिएको हो।