नेदरल्यान्डसँगको जारी खेलमा नेपाललाई दोस्रो सफलता

काठमाडौं- नेपाल र नेदरल्यान्डबीचको एक दिवसीय क्रिकेटमा नेपालले दोस्रो सफलता हात पारेको छ। नेपालका लागि तिव्र गतिका बलर सोमपाल कामीले आफ्नो दोस्रो ओभरमा नेदरल्यान्डका डानिएल टेर ब्राकलाई बोल्ड गर्दै पहिलो सफलता दिलाएका थिए। 

त्यसपछि आफ्नो पहिलो तथा टीमका लागि आठौ ओभर लिएर आएका कप्तान पारस खड्काले वेन कुपरको विकेट लिए। कुपरलाई कप्तान खड्काले एलबीडब्लु आउट गरेका हुन्।
  
नेदरल्यान्ड २.३ ओभरमा ५ रन जोड्दा आफ्नो पहिलो विकेट गुमाउन पुग्यो। ब्राकले ११ बल खेल्दै १ रन मात्र जोडेका थिए। त्यसपछि ब्राकको स्थानमा आएका कुपर पनि ७.४ ओभरमा टिमको ५० रन हुँदा आउट भए । उनले १७ बल खेल्दै ४ चौकाको मद्दतमा २० रन जोडेका थिए।