तालमेल संकट : भरतपुरको मेयर कांग्रेसको भागमा नपरे विद्रोह गर्ने वडा सभापतिहरूको निर्णय

चितवनको भरतपुर महानगरपालिकास्थित नेपाली कांग्रेसका वडा सभापतिहरूले आगामी स्थानीय निर्वाचनमा मेयरको टिकट कांग्रेसले नै पाउनुपर्ने निर्णय गरेका छन्।

नेपाल समय | मंगलबार, चैत २९, २०७८

नेपाल समय

मंगलबार, चैत २९, २०७८

तालमेल संकट : भरतपुरको मेयर कांग्रेसको भागमा नपरे विद्रोह गर्ने वडा सभापतिहरूको निर्णय

Bharatpur

काठमाडौं– चितवनको भरतपुर महानगरपालिकास्थित नेपाली कांग्रेसका वडा सभापतिहरूले आगामी स्थानीय निर्वाचनमा मेयरको टिकट कांग्रेसले नै पाउनुपर्ने निर्णय गरेका छन्। पार्टीको जिल्ला कार्यालयमा मंगलबार बसेको २५ जना वडा सभापतिको बैठकले यस्तो निर्णय लिएको हो।

बैठकले भरतपुरको मेयर कांग्रेसले नै पाउनुपर्ने निर्णय गर्दै यदि नपाएमा विद्रोह गर्ने चेतावनी दिएको छ। भरतपुरको टिकट अरू दललाई दिने निर्णय केन्द्रले गरेर पठाए नमान्ने उनीहरुको भनाइ छ। त्यसो गरिए हरेक वडामा अध्यक्षका लागि स्वतन्त्र उम्मेदवारी दिने उनीहरुले चेतावनी दिएका छन्।

वडा सभापतिहरूले बैठकको निर्णय जिल्ला सभापति राजेश्वर खनाललाई बुझाएका छन्। बैठकमा भरतपुरका २९ वडामध्ये २५ वडाका सभापति सहभागी थिए।

प्रकाशित: Apr 12, 2022| 17:42 मंगलबार, चैत २९, २०७८