च्याम्पियन्स लिग : लिभरपुलले बेन्फिकालाई र सिटीले एट्लेटिकोलाई हरायो

काठमाडौं- युरोपेली माथिल्लो श्रेणीको फुटबल च्याम्पियन्स लिगअन्तर्गत क्वार्टरफाइनलको पहिलो लेगको खेलमा लिभरपुल र म्यानचेस्टर सिटीले जित निकालेको छ।

बेन्फिकाको मैदान मंगलबार राति सम्पन्न भएको खेलमा पाहुना टिम लिभरपुलले घरेलु टिमविरुद्ध ३–१ को जित निकालेको छ। लिभरपुलको जितका लागि इब्राहिम कोन्टे, साडियो माने र लुई डियाजले गोल गरेका थिए। बेन्फिकाका लागि डार्विन नुवेजले एक गोल फर्काए।

त्यस्तै, म्यानचेस्टर सिटीको इतिहाद रंगशालामा भएको खेलमा भने घरेलु टिमले पाहुना टोली एट्लेटको मड्रिडलाई १–० ले हराएको छ।

खेलको ७१ प्रतिशत समय बलमा नियन्त्रण बनाएको सिटीका केभिन डिब्रुएनाले ७०औं मिनेटमा गोल गर्दै सिटीलाई जित लिलाएका हुन्।

लिगको पहिलो लेगको खेलमा आज राति भिल्लारियलले बायर्नको सामना गर्नेछ भने चेल्सीले रियल मड्रिडको सामना गर्नेछ। त्यस्तै, दोस्रो लेगको खेल भने अर्को हप्ता हुनेछ।