बोलोग्नासँग बराबरीमा रोकियो एसी मिलान

इटालियन सिरी ‘ए’ को शीर्ष स्थानमा रहेको एसी मिलान बराबरीमा रोकिएको छ।

नेपाल समय | मंगलबार, चैत २२, २०७८

नेपाल समय

मंगलबार, चैत २२, २०७८

काठमाडौं- इटालियन सिरी ‘ए’ को शीर्ष स्थानमा रहेको एसी मिलान बराबरीमा रोकिएको छ। घरेलु मैदानमा मिलान बोलोग्नासँग गोलरहित बराबरीमा रोकिएको हो।

घरेलु मैदान मिलानोमा सोमबार राति भएको खेलमा मिलानले पाहुना टोलीलाई दबाबा राखे पनि गोल गर्न चुक्दा बराबरीमा रोकिन बाध्य भयो। बोलोग्नाले पनि केही मौका गुमाउँदा जित निकाल्न सकेन।

यो बरारबीसँगै शीर्ष स्थानमा रहेको मिलानले एक अंकको अग्रता लिन सफल भएको छ। मिलानको ३१ खेलबाट ६७ अंक छ। समान खेलबाटै दोस्रो स्थानमा रहेको नेपोलीको ६६ तथा एक खेल कम खेलेको इन्टर मिलानको ६३ अंक छ। मिलानलाई रोकेको बोलोग्ना ३० खेलबाट ३४ अंक जोडेर १२औं स्थानमा रहेको छ।

प्रकाशित: Apr 05, 2022| 08:39 मंगलबार, चैत २२, २०७८