आईपीएलमा लखनउको दोस्रो जित, हैदरावादको दोस्रो हार

काठमाडौं- सनराइजर्स हैदरावादलाई १२ रनले पराजित गर्दै इन्डियन प्रिमियर लिग (आईपीएल) टी २० क्रिकेटमा लखनउ सुपर जायन्टले दोस्रो जित निकालेको छ।

हैदरावादको भने यो लगातार दोस्रो हार हो। सोमबार राति मुम्बईमा भएको खेलमा लखनउले दिएको १७० रनको लक्ष्य पछ्याएको हैदरावादले २० ओभरमा ९ विकेट गुमाएर १५७ रनमात्र बनाउन सक्यो।

हैदरावादका राहुल त्रिपाठीले ४४ रन जोड्दा निकोलस पुरणले ३४ रन बनाए। लखनउका आभेस खानले ४ तथा जासन होल्डरले सर्वाधिक ३ विकेट लिए। यसअघि पहिले ब्याटिङ गरेको लखनउले २० ओभरमा ७ विकेट गुमाएर १६९ रनको योगफल तयार पारेको थियो। लखनउका कप्तान केएल राहुलले सर्वाधिक ६८ रन बनाए। दीपक होडाले ५१ रनको अर्धशतकीय इनिङ खेले।

प्रतियोगितामा लखनउ ३ खेलबाट ४ अंक जोडेर पाँचौं स्थानमा छ। बिना कुनै अंकको हैदरावाद पुछारमा छ।