टी–२० सिरिज फाइनल : नेपालले गुमायो पहिलो विकेट

काठमाडौं – कीर्तिपुरमा जारी त्रिदेशीय टी २० सिरिज अन्तर्गत सोमबारको फाइनल खेलमा टस हारेर पहिले ब्याटिङको निम्तो पाएको नेपालले पहिलो विकेट गुमाएको छ।

आज साढे १२ बजेबाट सुरु भएको खेलमा नेपालले टस हारेर ब्याटिङको अवसर पाएको थियो। जहाँ नेपालले चार ओभर चार बलमा ३७ रन बनाउँदै पहिलो विकेट गुमाएको हो।

अहिले ओपनर कुशल भुर्तेलले २२ बलमा २५ रन बनाएर आउट भएका छन्। ओपनिङमा आशिफ शेख र कुशलले ३७ रनको साझेदारी गरेका हुन्। आसिफले अहिलेसम्म आठ रन बनाएका छन्

प्रतियोगितामा अपराजित रहँदै फाइनल पुगेको नेपालले आजको खेलमा पनि जित निकाल्दै उपाधि जित्न चहान्छ। यदी नेपालले आजको खेलमा उपाधि जिते नेपालले सन्दिप लामिछानेको कप्तानीमा जितेको यो पहिलो उपाधि पनि हुनेछ।

सिरिजमा सम्मिलित तीन देशमध्ये मलेसियाल भने समूह चरणबाट बाहिरिसकेको छ। उसले पीएनजीविरुद्ध एक खेलमा जित निकाले पनि रन रेटमा पछि पर्दै प्रतियोगिताबाट बाहिरिएको हो।