टी-२० सिरिज फाइनल : टस हारेर नेपाल ब्याटिङमा

काठमाडौं- कीर्तिपुरमा जारी त्रिदेशीय टी २० सिरिजअन्तर्गत आजको फाइनल खेलमा नेपालले टस हारेर पहिले ब्याटिङको निम्तो पाएको छ।

आज साढे १२ बजेबाट सुरु हुने खेलमा नेपालले टस हारेर ब्याटिङको अवसर पाएको हो।

प्रतियोगितामा अपराजित रहँदै फाइनल पुगेमो नेपालले आजको खेलमा पनि जित निकाल्दै उपाधि जित्न चाहन्छ।

यदि नेपालले आजको खेलमा उपाधि जिते नेपालले सन्दीप लामिछानेको कप्तानीमा जितेको यो पहिलो उपाधि पनि हुनेछ।

सिरिजमा सम्मिलित तीन देशमध्ये मलेसियाले भने समूह चरणबाट बाहिरिइसकेको छ। उसले पीएनजीविरुद्ध एक खेलमा जित निकाले पनि रन रेटमा पछि पर्दै प्रतियोगिताबाट बाहिरिएको हो।