एसिया ट्राइयाथलन कपको उपाधि जेन्टा र इकातेरिनालाई

काठमाडौं– नेपाल ट्राइयाथलन संघको आयोजनामा पोखरामा भएको एसियया ट्राइयाथलन कपको उपाधि पुरुषतर्फ जापानका जेन्टा युचिदा र महिलातर्फ काजाकिस्तानकी इकातेरिना सावालिनाले उचालेका छन्।

७५० मिट पौडी, २० साइक्लिङ र ५ किमि दौडको दूरी जेन्टाले ५३ मिनट १४ सेकेन्ड तथा इकातेरिनाले १ घन्टा ०२ मिनेट २० सेकेन्डमा पूरा गर्दै उपाधी उचालेका हुन्। पुरुष तर्फ दोश्रो स्थानमा जापानकै क्योतारो ओसिकावा र तेश्रो स्थानमा अष्ट्रियाका लिओन पगर रहे। क्योतारोले उक्त दूरी ५३ मिनट २२ सेकेन्डमा र लिओनले ५३ मिनट ३६ सेकेन्डमा पूरा गरे।

जापानको टिएनटि टिभि र टिभिएस अपाचेको प्रायोजन रहेको प्रतियोगिताको महिलातर्फ जापानकी हिराकु फुकुओकाले १ घन्टा २ मिनट ५३ सेकेन्डका साथ दोश्रो र काजाकिस्तानकी नादेज्दा बेक्मागनबेताभाले १ घन्टा ४ मिनट १४ सेकेन्डका साथ तेश्रो भइन्।

शिर्ष तीन स्थान प्राप्त गर्ने खेलाडीहरुले मेडल, ट्रफी, प्रमाणपत्रका साथै नगद ६३० डलर, ५२५ डलर र ४२० डलर प्राप्त गरे । यस्तै चौथोले ३१५ डलर र पाँचौले २१० डलर प्राप्त गरे।