त्रिदेशीय सिरिजमा अपराजित रहँदै फाइनल पुग्ने नेपालको चाहना

काठमाडौं- नेपाल, मलेसिया र पपुवा न्युगिनी(पीएनजी) सम्मिलित त्रिदेशीय सिरिजअन्तर्गत समूह चरणको अन्तिम खेलमा आज नेपालले पाहुना टिम मलेसियाको सामना गर्दैछ।

त्रिदेशीय सिरिजको फाइनल पुग्नका लागि आज मलेसिलाई जित निकाल्न दबाब छ। आज  हार बेहोरेको अवस्थामा उसको फाइनल पुग्ने सम्भावना कम रहन्छ।

नेपालले चाहिँ तीन खेलमा तीन जित निकालिसकेको छ। त्यसैले नेपाल आज चौथो खेलमा जित निकाल्दै अपराजित रहने सिरिजको फाइनल पुग्न चाहन्छ। फाइनल जित्ने नेपालको लक्ष्य रहेको नेपाली टिमका कप्तान सन्दीप लामिछानेले बताइसकेका छन्।

यता, तालिकाको दोस्रो स्थानमा पीएनजी छ। पीएनजी र मेलसियाको समान २,२ अंक रहेको छ। नेट रन रेटमा पछि पर्दै मलेसिया भने तालिकाको अन्तिममा रहेको छ। आजको खेलमा जित निकाले उसले चार अंक बनाउने छ र फाइनलमा प्रवेश पाउने छ।

त्यसैले आजको खेल दुवै देशका लागि महत्त्वपूर्ण छ।

यसअघि गएको वैशाखमा सम्पन्न भएको त्रिदेशीय सिरिजमा पनि नेपालले जित निकालेको थियो।

आज नेपाल र मलेसियाबीचको खेल दिउँसो साढे १२ बजेबाट कीर्तिपुर मैदानमा सुरु हुनेछ।