मच्छिन्द्रसँग खेल्न काठमाडौं आइपुग्यो श्रीलंकाली ब्लु स्टार

काठमाडौं- एएफसी कप क्लब फुटबल छनोटअन्तर्गत मछिन्द्र फुटबल क्लबविरुद्ध खेल्नका लागि श्रीलंकाको ब्लु स्टार क्लब नेपाल आइपुगेको छ। बिहीबार दिउँसो श्रीलंकाली टोली काठमाडौं विमानस्थलमा उत्रिएको हो।

टोलीलाई विमानस्थलमा मच्छिन्द्र फुटबल क्लबका पदाधिकारीले स्वागत गरेका थिए।

मछिन्द्र र ब्लु स्टारबीचको खेल अप्रिल ५ मा दशरथ रंगशालामा हुनेछ। मछिन्द्रले यो खेलमा जित निकाल्न सके उसले इन्डियन सुपर लिगको क्लबसँग खेल्नु पर्नेछ।

पछिल्लो वर्षको छनोट त्रिभुवन आर्मी क्लबले खेलेको थियो। उसले श्रीलंका पुलिसलाई हराए पनि बैंगलोरसँग पराजित भएको थियो।