टी-२० आइमा नेपाली राष्ट्रिय क्रिकेट टिमको अर्धसतक

काठमाडौं- कीर्तिपुरको टियू क्रिकेट मैदानमा नेपाली सिनियर क्रिकेट टिमले पपुवा न्युगिनीसँग खेल खेल्दैछ। नेपालको क्रिकेट इतिहासमा यो खेल धेरै महत्त्वपूर्ण छ।

त्यो किनभने सन् २०१८ मा टी २० आइको मान्यता पाएपछि नेपालले आज ५०औं खेल खेल्दैछ। त्यसैले नेपाली टिमले आज खेलमा अर्धसतक पुरा गरेको छ।

आजको खेलमा नेपालले टस हारेर ब्याटिङको निम्तो पाएको छ।

अर्धसतका बनाउँदै गर्दा नेपाली टिमका कप्तान सन्दीप लामिछाने छन्। त्यस्तै, अहिलेसम्म सन्दीप लामिछानेले पनि नेपाली राष्ट्रिय क्रिकेट टिमबाट ३६ खेलमा सहभागिता गरिसकेका छन्। आज सन्दीपले ३७औं खेल खेल्दैछन्।

उनीभन्दा धेरै खेलमा सहभागी हुने चाहिँ ज्ञानेन्द्र हुन्। नेपालबाट सर्वाधिक धेरै टी २० आई खेल्ने खेलाडी पूर्वकप्तान ज्ञानेन्द्र मल्ल हुन्। उनले अहिलेसम्म ४० टी २० क्रिकेटमा सहभागिता जनाइसकेका छन्।

त्यस्तै, नेपाली सिनियर टिमबाट आज दीपेन्द्र सिंह ऐरीले पनि आज ३७औं टी २० आई खेल्दैछन्।

नेपालले टी २० आइको मान्यता पाउँदाका कप्तान चाहिँ पारस खड्का नै हुन्। उनले गतवर्षनै संन्यास लिइसकेका छन्। उनले चाहिँ नेपाली राष्ट्रिय टिमबाट ३३ टी २० आई खेलेर संन्यास लिए।

५०औं खेलमा नेपालको प्लेइङ ११

सन्दीप लामिछाने, मोहम्मद आरिफ शेख, कुशल भुर्तेल, सोमपाल कामी, दीपेन्द्र सिंह ऐरी, मोहम्मद आशिफ शेख, करण केसी, अभिनाष बोहरा, दिलीप नाथ, रोहित कुमार पौडेल