सबै खेलमा जित निकाल्ने चाहना राखेको नेपाललाई फाइनल पुग्ने अवसर

काठमाडौं- कीर्तिपुरको मैदानमा जारी त्रिदेशीय सिरिजमा नेपालले आज पपुवा न्युगिनी-पीएनजी) को सामना गर्दैछ। कीर्तिपुर मैदानमा दिउँसो साढे १२ बजेबाट सुरु हुने खेलमा नेपालले दोस्रो पटक पीएनजीको सामना गर्न लागेको हो।

नेपाल आजको खेलमा जित निकाल्दै फाइनल पुग्ने दाउमा रहेको छ। बुधबारको खेलमा जित निकालेपछि नेपाली टिमका कप्तान सन्दिप लामिछानले सबै खेलमा जित निकाल्ने विश्वास रहेको बताइकेका छन्।

‘सिरिज जित्नकै लागि आएको हो। दुई खेलमा दुवै जितले आत्मविश्वासी पनि छौं। अब चारै खेलमा जित निकालेर फाइनल पुग्ने लक्ष्य रहेको छ,’ कप्तान सन्दिप लामिछानेले भनेका छन्।

नेपालले बुधबार मलेसियालाई ६ विकेटले हराउँदै दोस्रो जित निकालेको थियो, त्यससअघि नेपालले उद्घाटन खेलमा पीएनजीलाई हराएको थियो।