आईपीएलमा कोलकत्तालाई बैंगलोरले हरायो

काठमाडौं- इन्डियन प्रिमियर लिग (आईपीएल) मा कोलकत्ता नाइट राइडर्सलाई रोयल च्यालेन्सर्ज बैंगलोरले बुधबार राति हराएको छ। पटालीमा सम्पन्न खेलमा बैंगलोरले कोलकत्तामाथि तीन विकेटको जित निकालेको हो।

पहिले ब्याटिङ गरेको कोलकत्ताले सात बल बाँकी रहँदै सम्पूर्ण विकेट गुमाएर १२८ रन बनाएको थियो। १२९ रनको लक्ष्य पछ्याएको बैंगलोरले चार बल बाँकी रहँदै १३२ रन बनाएर खेल जितेको हो। लक्ष्य पछ्याउने क्रममा बैंगालेरले सात विकेट गुमाएको थियो।

बैंगालेलाई जिताउन शेर्फानी रुथरफर्डले २८ र सहबाज अहमद ले २७ रनको योगदान दिए। बलिङतर्फ कोलकत्ताका टिम साउथीले तीन विकेट गिरा एभने उमेश यादवले दुई विकेट लिए। त्यस्तै, सुनिल नायर  र वरुण चक्रवर्तिले पनि समान १-१ विकेट गिराए।

त्यसअघि कोलकत्ताका आन्द्रे रसेलले सर्वाधिक २५ रन बनाएका थिए। त्यसबाहेक कुनै खेलाडीले सम्झनलायक प्रदर्शन गरेनन्। बलिङमा भने वानिन्दु हसरंगा, अकाश दीप, हर्षल पटेल र मोहम्मद सिरजले क्रमशः ४, ३, २ र १ विकेट गिराएका थिए।