त्रिदेशीय सिरिज : मलेसियाविरुद्ध नेपालको सहज जित

काठमाडौं- त्रिकोणात्मक टी-२० क्रिकेट सिरिजअन्तर्गत बुधबार भएको खेलमा मलेसियाविरुद्ध जित निकालेको छ। नेपालले ६ विकेटको भारी अन्तर मलेसियालाई हराउँदै जित निकालेको हो। 

कीर्तिपुर मैदानमा टस जितेर पहिले ब्याटिङ गरेको मलेसियाले २० ओभरमा ८ विकेट गुमाउँदै ११४ रनको लक्ष्य दिएको थियो। नेपालले १३ ओभर चार बलमा चार विकेट गुमाउँदै लक्ष्य पूरा गरेको हो। 

यो जितपछि नेपालले अंक तालिकामा दुई अंक बनाएको छ। मलेसियाको दोस्रो खेलमा पहिलो हार हो। यसअघि उसले पीएनजीलाई हराएको थियो।