आईपीएलमा हैदराबादविरुद्ध राजस्थानको सानदार जित

काठमाडौं- इन्डियन प्रिमियर लिग (आईपीएल) मा राजस्थान रोयल्सले सनराइजर्स हैदराबादलाई ६१ रनले हराएको छ। हैदराबादको पुने रंगशालामा टस हारेर पहिले ब्याटिङको निम्तो पाएको राजस्थानले पुरा ओभर खेल्दै छ विकेट गुमाएर २१० रन बनाएको थियो।

१११ रनको लक्ष्य पछ्याएको हैदराबादले निर्धारित २० ओभरमा सात विकेटगुमाउँदै १४९ रन मात्र बनाउन सकेपछि राजस्थानले ६१ रनको जित निकालेको हो।

राजस्थानको जितका लागि प्लेयर अफ दि म्याचसमेत बनेका सन्जु समसनले ५५ रन बनाए भने देवदत्त पडिक्कलले ४१ रनको योगदान दिए। त्यस्तै, जस बटलरले ३५ र सिमरन हेत्मायरले ३२ रन बनाएका थिए।

हैदराबादका उमरन मलिक र टी नटराजनले समान २-२ विकेट गिराए।

जवाफमा हैदराबादले साम्रो ओपनिङ गर्न सकेन। ओपनर केन विलियम्सन दुई र अभिषेक शर्मा ९ रन बनाएर आउट भए। त्यसपछि मैदान छिरेका राहुल त्रिपति र निकोलस पुरन त शून्य रनमै पेवेलियन फर्किए।

तर अइदिन मकरमले ५७ रनको अर्धसतकिय पारी खेले भने वासिंटन सुन्दरले पनि ४० रन बनाए। हैदराबादविरुद्ध कसिलो बलिङ गरेको राजस्थानका ट्रेन्ट बोल्ट र प्रसिद्ध कृष्णले समान २-२ विकेट गिराए। यसबाहेक युजवेन्द्र चहलले तीन विकेट लिए।

यससँगै आईपीएलको पहिलो चरणको खेल सकिएको छ। पहिलो चरणको खेल सकिँदा सबैभन्दा धेरै रन रेट राजस्थानकै हातमा छ। राजस्थानसँगै दिल्ली, पञ्जाब, कोलकत्ता र गुजरातले समान २-२ अंक बटुलेका छन्।