म्यानचेस्टर युनाइटेडविरुद्ध लिभरपुलको सहज जित

एजेन्सी-दुई इंग्लिस क्लबबीच इन्टरनेसनल च्याम्पियन्स कप फुटबलमा भएको प्रतिस्पर्धामा लिभरपुललाई सफलता मिलनेको छ । लिभरपुलले म्यानचेस्टर युनाइटेडलाई ४-१ हराएको छ ।

 अमेरिकाको मिसिगनमा भएको खेलमा लिभरपुललाई जित दिलाउन साडियो माने, ड्यानियल स्टुरिज, सेई ओजो र जाड्रन शाकिरीले समान १ गोल गरे । युनाइटेडका आन्द्रेस पेरियराले एक गोल फर्काए । पहिलो हाफ १-१ गोलको बराबरीमा सकिएपनि दोस्रो हाफमा प्रभावशाली प्रदर्शन गर्दै लिभरपुलले सहज जित निकालेको हो । 

२८ औं मिनेटमा मानेले गोल गर्दै लिभरपुललाई अग्रता दिलाएका थिए । ३१ औं मिनेटमा युनाइटेडका पेरियराले गोल गरेपछि खेल पहिलो हाफमा १-१ गोलको बराबरीमा सकिएको थियो । ६६ औं मिनेटमा स्टुरिजले गोल गर्दै लिभरपुललाई २-१ को अग्रता दिलाए । ७४ औं मिनेटमा ओजो र ८२ औं मिनेटमा शाकिरीले गोल गरेपनि लिभरपुलको जित सहज बनेको थियो ।