त्रिदेशीय सिरिजमा पपुवा न्युगिनीलाई मलेसियाले ८ रनले हरायो

काठमाडौं–  कीर्तिपुरको टियू मैदानमा जारी त्रिदेशीय टी २० सिरिजअन्तर्गत आजको खेलमा टस जितेर ब्याटिङ राजेको मलेसियाले ८ रनको जित निकालेको छ।

१८१ रनको लक्ष्यका साथ मैदान उत्रिएको पीएनजीलाई १७२ रनमा रोक्दै मलेसियाले ८ रनको जित निकालेको हो। पहिले ब्याटिङ गरेको मलेसियाले तीन विकेट गुमाएर पूरा ओभर खेल्दै १८० रन बनाएको थियो।

मलेसियाका विरनदिप सिंहले अविजित सर्वाधिक ५९ रन बनाएपछि मलेसियाले प्रतिस्पर्धात्मक लक्ष्य प्रदान गरेको हो। खेलमा पपुवा न्युगिनीका लागि नोर्मन वाउना र नोसाइना पोकनाले समान १,१ विकेट गिराएका छन्।

मलेसियाका ओपनर विरनदीप सिंहले सर्वाधिक ५९ रन बनाए। अर्का ओपनर जुबादी जुल्किफले चार रन बनाएर आउट भए। त्यस्तै, कप्तान अहमद फैजले सबैभन्दा धेरै ५६ रन बनाए। उनले ३७ बलमा पाँच चौका र तीन छक्काको साहयोगमा उनले सो रन जोडेका हुन्।

त्यस्तै, सायद अजिजले पनि २६ बलमा ४७ रन बनाए। उनले पाँच चौका र दुई छक्काको सहयोगमा उनले सो रन जोडेका हुन्।

जवाफमा पीएनजी तीन बल बाँकी रहँदै सम्पूर्ण विकेट गुमाएर १७२ रनमा समेटियो। पीएनजीका लागि टोनी उराले ५६ रनको अर्धसतकिय पारी खेले। त्यस्तै, नोर्मन वाउनाले पनि ४५ रन बनाए। सिमोन अताईले १७ रन बनाए भने अन्य खेलाडीले सम्झनलायक रन बनाउन सकेनन्।

यता मलेसियाका श्रविन मुनियन्दीले चार विकेट लिए भने मोहम्मद सिरज र प्रविनदीप सिंहले समान ३–३ विकेट गिराए।

यो जितसँगै मलेसियलो प्रतियोगितामा दुई अंक जोडेको छ। प्रतियोगितामा नेपालकोप नि दुई अंक रहेको छ। अब बुधबारको खेलमा नेपालले मलेसियाको सामना गर्नेछ।