एन्फा अध्यक्षका लागि उम्मेदवारी मनोनयन शुल्क १५ हजार

काठमाडौं– अखिल नेपाल फुटबल संघ (एन्फा)को २० औं साधारणसभाले आगामी १५ जेठमा हुने निर्वाचनको लागि उम्मेदवारको मनोनयन शुल्क निर्धारण गरेको छ। आज सानेपामा सम्पन्न साधारणसभाले शुल्क निर्धारण गरेको हो। 

अध्यक्षमा चुनाव लड्नका लागि १५ हजार मनोनयन शुल्क राखिएको छ भने वरिष्ठ उपाध्यक्ष र उपाध्यक्षको लागि १०–१० हजार राखिएको छ।

सदस्यमा चुनाव लड्नका लागि पाँच हजार शुल्क तिर्नुपर्ने छ।  जेठ १५ गते हुने निर्वाचनका लागि निरीक्षक नियुक्तिका लागि साधारणसभाले तीन जनाको नाम सिफारिस गरेको छ। जसमा खेलाडी संघका अध्यक्ष राजेश मानन्धर, महिला संघका अध्यक्ष वृन्दा देवान र संखुवासभा जिल्ला फुटबलका प्रतिनिधि गौरीमान राई रहेका छन्।

एन्फाको साधारणसभाले निर्वाचन समिति पनि तयार गरेको छ। निर्वाचन समितिको संयोजकमा श्रीराम दवाडी छन्। निर्वाचन समितिमा दवाडीको संयोजकत्वपमा पाँच जनाको समूह बनाइएको हो।