देउवा-मोदी भेटवार्ता १९ चैतमा

भारतको औपचारिक भ्रमणमा जान लागेका प्रधानमन्त्री शेरबहादुर देउवाले भारतीय समकक्षी नरेन्द्र मोदीसँग १९ चैतमा भेटवार्ता गर्ने भएका छन्।

नेपाल समय | सोमबार, चैत १४, २०७८

नेपाल समय

सोमबार, चैत १४, २०७८

फाइल तस्बिर

काठमाडौं– भारतको औपचारिक भ्रमणमा जान लागेका प्रधानमन्त्री शेरबहादुर देउवाले भारतीय समकक्षी नरेन्द्र मोदीसँग १९ चैतमा भेटवार्ता गर्ने भएका छन्। भारतीय विदेश मन्त्रालयले आज विज्ञप्ति जारी गर्दै देउवाको भ्रमणबारे जानकारी दिएको छ।

भारतीय प्रधानमन्त्री मोदीको निमन्त्रणामा प्रधानमन्त्री देउवा पत्नी आरजु राणासहित चैत १८ गते नयाँ दिल्ली प्रस्थान गर्नेछन्।

प्रधानमन्त्री देउवा र भारतीय समकक्षी मोदीबीच चैत १९ गते शनिबार भेटवार्ता हुनेछ।प्रधानमन्त्री भइसकेपछि यसअघि स्कटल्यान्डको ग्लासगोमा प्रधानमन्त्री देउवाले भारतीय समकक्षीसँग भेट गरेका थिए।

प्रधानमन्त्री देउवा बनारस पनि पुग्ने कार्यक्रम तय भएको छ। यसअघि प्रकाशशरण महत नेतृत्वको टोली पनि बनारसमा रहेको काशी विश्‍वनाथको मन्दिर दर्शन गर्न पुगेका थिए।

प्रकाशित: Mar 28, 2022| 13:40 सोमबार, चैत १४, २०७८