राष्ट्रिय कराते प्रतियोगिता चैत १५ देखि

काठमाडौं- नेपाल सितोरियो कराते संघको बार्षिक कार्यक्रमअन्तर्गतको वीर गणेशमान फाउण्डेशन राष्ट्रिय कराते प्रतियोगिता चैत्र १५ गते मंगलवारदेखि हुने भएको छ। सात प्रदेश र तिन वटा बिभागिय टिम गरी १० टिम को सहभागीता रहेको प्रतियोगिता चौत १५ मा हुने आयोजकले जानकारी दिएको हो।

प्रतियोगितामा पुरुषतर्फका नौ विधा सम्मिलित रहेका छन् भने महिलातर्फ छ विधा रहेका छन्। ५०, ५५, ६०, ६७, ७५, ८४ मुनी र ८४ माथि गरि एकल काता र टिम काता गरि पुरुषतर्फ नौ ईभेन्टस रहेका छन् भने महिलातर्फ ४५, ५०, ५५, ६१,६७ मुनि र ६८ माथि तर्फ एकल काता र टिम काता गरि ७ ईभेन्टस गरि कुल १६ ईभेन्टसमा १६ स्वर्ण पदक का निम्ति प्रतिस्पर्धा गराईने आयोजकले बताएको छ।

‘प्रतियोगिता ब्यवस्थित, मर्यादित, अनुशासित, धाँधली रहित, सभ्य र भव्य रुपमा सन्चालन र सम्पन्न गनै आयोजक समिति र उप-समितिहरु पनि गठन गरिएको छ,’ आयोजकले जारी गरेको विज्ञप्तिमा लेखिएको छ, ‘मुल आयोजक कमिटीमा कार्यकम संयोजक बद्रीनाथ श्रेष्ठको अध्यक्षतामा ५ सहस्यहरु धनविर महर्जन, पन्चकुमार महर्जन, प्रितम महर्जन, ओम कृष्ण कायस्थ र  सुजना श्रेष्ठ छन्।’

प्रतियोगिता सञ्चालन गर्न करिव २२ लाख रुपैया खर्च हुने बताइएको छ। दुईदिने प्रतियोगिता काठमाडौं सतुङ्गल स्थित डि.वी पार्टी भेन्युमा सन्चालन हुने छ।