आइपिएलमा बैंगलोरविरुद्ध पन्जाब किंग्सको जित

काठमाडौं- इन्डियन प्रिमियर लिग आईपीइलमा दिल्ली क्यापिटलविरुद्ध पञ्जाब किंग्सले जित निकालेको छ। आइतबार राति सम्पन्न खेलमा बैंगलोरविरुद्ध पञ्जाबले पाँच विकेटको जित निकालेको हो।

टस जितेर फिल्डिङ रोजेको पञ्जाबले २०६ रनको लक्ष्य पाएको थियो। जवाफमा उसले एक ओभर बाँकी रहँदै पाँच विकेट गुमाएर २०८ रन बनाउँदै लक्ष्य पुरा गरेको थियो। पञ्जाबका लागि मयंक अग्रवालले ३२ रन बनाए भने शिखर धवन र भानुका राजापक्ष्यले समान ४३-४३ रन बनाए। त्यस्तै, ओडेन स्मिथले २५ र शाहरुख खानले २४ रन बनाए।

यसक्रममा बैंगलोरका मोहम्मद सिरजले दुई विकेट लिए भने आकाश दीप वानिन्दू डि सिल्वा र हर्षल पटेलले समान १-१ विकेट बनाए।

यता पहिलोपारीमा बैंगलोरका फाफ डू प्लेसिसले ८८ रन बनाए भने विराट कोहलीले ४१ रन बनाए। त्यस्तै, दिनेश कार्तिकले ३२ रन जोडे। यता, पञ्जाबका अर्षदिप सिंह र राहुल चहरले समान १-१ विकेट लिए।