चेल्सीले तोक्यो हाजार्डको मुल्य २ सय मिलियन पाउण्ड 

एजेन्सी–केहि हप्तादेखि अन्तराष्ट्रिय सञ्चार मध्यममा रियल म्याड्रिड चेल्सीका एडेन हाजार्ड भित्राउन नजिक रहेको बताउदै आएको थियो । 

सोहि अभिव्यक्ति आएसँगै चेल्सीले हाजार्डका लागि विश्व रेकर्ड मुल्य तोकेको छ । यस सिजन हाजार्डलाई कसैलो भित्र्याउन चाहे २ सय मिलियन पाउण्ड तिर्नु पर्ने आन्तराष्ट्रिय सञ्चार माध्यम डेली मेइलले जनाएको छ ।

चेल्सीका अनुसार उनको मूल्यले रियल मड्रिडका लागि रोकथामको कार्य गर्ने आशा गरिएको छ । यस अघि रियलले हाजार्डलाई भित्र्याउने प्रयास बारम्बार गरिरहेका थियो । 

हाजार्डको २ सय मिलियन पाउण्ड मूल्यमा कुनै क्लबले अनुबन्ध गर्दा उनी विश्वकै सबैभन्दा महंगा खेलाडी हुने छन् । यस अघि ब्राजिलियन स्टार नेयमार पेरिस सेन्ट जर्मेन (पिएसजी) जाँदा बार्सिलोनालाई १९८ मिलियन पाउण्ड तिरेको थियो । यो नै अहिले सम्मको सबैभन्दा धेरै खेलाडी क्लबमा अनुबन्धित गर्दा खर्चेको रकम हो ।

रियल हाजार्डका लागि सुहाउदो गन्तव्य भए पनि चेल्सी भने उनलाई बेच्न नचाहेको बताएको छ । तर, हाजार्डले यस कदमका लागि कुनै दबाब नदिएको मुख्य प्रशिक्षक माउरिजियो सारीले बताएका छन् । यस अघि विलियन पनि बार्सा जानबाट बचेका थिए ।

रियलले आफ्ना सुपरस्टार क्रिस्टियानो रोनाल्डो गुमाएपछि ट्रान्सफर विन्डोमा उनको विक्ल्पको खोजीमा रहेको छ । रियल म्याड्रिडले पिएसजीका नेयमार र किलियन बाप्पेलाई भित्राउन प्राथमिकतामा राखे पनि दुवैले यस सिजनका लागि आफू पेरिसमा रहने बताए पछि उनीहरुलाई पछ्याउन छोडेको थियो ।  विश्वकपमा उत्कृष्ट प्रदर्शन गर्दै सिल्भर बल (दोस्रो उत्कृष्ट खेलाडी) को उपाधि जितेका हाजार्डले प्रतियोगितामा आफ्नो क्षमता देखाइसकेका छन् ।