एमाले दुई-तीन सिटमा सिमित हुन्छ : झलनाथ खनाल

काठमाडौं- नेकपा एकीकृत समाजवादी पार्टीका नेता झलनाथ खनालले नेकपा एमालेले आगामी निर्वाचन दुई/तीन सिटमा सिमित हुने बताएका छन्। उनले एमालेले दुई तिहाई नभएर दुई/तीन सिट मात्र ल्याउने दाबी गरेका हुन्। 

शनिबार समाजवादी प्रेस संगठन केन्द्रीय कमिटीको विस्तारिक बैठकलाई सम्बोधन गर्दै नेता खनालले एमाले अध्यक्ष केपी शर्मा ओलीले आफ्ना साथीसंगीलवाई बिर्सेको आरोप लगाए।

पार्टीलाई भर्‍याङ बनाएर ओलीले राजनीति गरिरहेको खनालको आरोप छ। 'अहिलेको एमाले पार्टी नभएर अदालतले जन्माएको गुट मात्र  हो। ओली गुट अझै खस्दै जाने छ,' उनले भने।

उनले एमाले एउटा गुट मात्रै बाँकी रहेकाले एमालेसँग सम्बन्ध विच्छेत गर्न उनले एमालेका नेता कार्यकर्ताहरूलाई आग्रह गरेका छन्।

अहिले देशभित्र देखिएको आर्थिक अवस्थाको दोषी ओली भएको खनालको आरोप छ। बैंकिङ तरलता पनि केपी ओली सरकारको पृष्ठभूमिबाट आएको उनले बताए।