सूर्य थापाको टिप्पणी- वाम एकताको गफ भ्रान्तिपूर्ण कहलियो

काठमाडौं- नेकपा एमालेका नेता सूर्य थापाले वाम एकताको गफ भ्रान्तिपूर्ण कहलिएको बताएका छन्।

शनिबार बिहान सामाजिक सञ्जालमा लेख्दै नेता थापाले केहीले पोलिटब्यूरो बैठकमा राखेको वाम एकताको प्रस्ताव तथ्यहीन भएको बताएका हुन्।

थापाले लेखेका छन्, ‘नेकपा एमाले पोलिटब्युरोको प्रथम र केन्द्रीय कमिटीको तेस्रो बैठक सफलतापूर्वक सम्पन्न भएका छन्। विगतमा भन्दा बैठकको तयारी सुव्यवस्थित रह्यो। एजेन्डा र प्रस्ताव प्रस्तुति, छलफल र पारित गर्ने प्रक्रिया पनि फरक रह्यो। पोलिटव्युरोमा एजेन्डा पारित गर्दा केहीले राखेको नहुने र अर्थहीन वाम एकताको पक्षमा गफ पनि तथ्यहीन, मनोगत र भ्रान्तिपूर्ण कहलियो!’

उनले अब एमाले आफ्नो सामर्थ्यमा सम्पूर्ण रूपमा एकताबद्ध भएर निर्वाचन केन्द्रित भएको दाबी समेत गरेका छन्।

अर्थहीन वाम एकताकाे पक्षमा गफ पनि तथ्यहीन, मनाेगत र भ्रान्तिपूर्ण कहलियाे!
अब एमाले आफ्नाे सामर्थ्यमा सम्पूर्ण रूपमा एकताबद्ध भएर निर्वाचनकेन्द्रित भएको छ।

— Surya Thapa (@ThapajiSurya) March 26, 2022