एकदिवसीयमा रोहितको अर्को अर्धसतक

काठमाडौं– पपुवा न्युगिनीले दिएको २९३ रनको लक्ष्य पछ्याउने क्रममा नेपाली युवा ब्याट्सम्यान रोहित पौडेलले अर्धसतक पूरा गरेका छन्।

कीर्तिपुरस्थित त्रिवि क्रिकट मैदानमा जारी खेलमा रोहितले ५३ बलमा अर्धसतक पूरा गरेका हुन्। रोहितले एक दिवसीय प्रतियोगितामा प्रहार गरेको यो अर्को अर्धसतक पनि हो।

यसअघि रोहितले ओमन सिरिजमा पनि अमेरिकाविरुद्ध अर्धसतक प्रहार गरेका थिए। भर्खरै दुबईमा सम्पन्न खेलमा रोहितले पीएनजीविरुद्ध नै अर्धसतक बनाएका थिए। उनले आजको खेलमा ५३ बलमा अर्धसतक पूरा गरेका हुन्।

दुबईमा भएको अर्को खेलमा भने यूएईविरुद्ध रोहितले ४६ रन बनाएका थिए।

आजको खेलमा नेपालले ब्याटिङमा राम्रो सुरुआत गर्न सकेन तर मध्यक्रममा रोहित र आरिफ शेखले विकेट सम्हालेर खेलिरहेका छन्।

यो उनको पाँचौ अर्धसतक समेत हो। रोहितले ज्ञानेन्द्र मल्लका दुई कीर्तिमान तोडेका छन्। पाँच अर्धसतक हान्ने पहिलो नेपाली खेलाडी पनि बनेका छन् रोहित। उनले एकदिसीय त्रिकेटमा ज्ञानेन्द्र मल्लले बनाएको रेकर्ड पनि तोडेका छन्। मल्लले बनाएको ४८० रनको रेकर्ड तोड्दै उनले आफ्नो कीर्तिमान कायम गरेका हुन्

यसअघि ज्ञानेन्द्रले चार अर्धसतक बनाएर एकदिवसीयमा सबैभन्दा धेरै अर्धसतक बनाउने खेलाडीको कीर्तिमान राखेका थिए। त्यो कीर्तिमान पनि आज रोहितले तोडेका हुन्।