विश्वकप छनोट : इटाली पराजित, अर्को खेलमा पोर्चुगलको जित

काठमाडौं- कतार विश्वकप २०२२ को युरोपेली छनोटअन्तर्गत बिहीबार राति सम्पन्न प्ले अफमा युरो विजेता इटाली पराजित भएको छ। इटालीले नर्थ म्यासेडेनियासँग १–० को हार बेहोरेपछि विश्वकपको यात्रामा पूर्ण विराम लगाएको हो।

इटालीले यसअघि सन् २०१८ मा भएको रसिया विश्वकप पनि गुमाएको थियो। त्यो समयमा उसले स्विडेनसँग प्ले अफमा हार बेहोरेपछि विश्वकप गुमाएको थियो।

यता प्ले अफकै अर्को खेलमा भने पोर्चुगलले टर्कीविरुद्ध ३–१ को जित निकालेको छ।

पोर्चुगलको जितका लागि ओताभियो डि सिल्वा, डियागो जोटा र माथिउस कुन्ह्वाले गोल गरेका थिए।

यससँगै अफ प्ले अफको फाइनलमा पोर्चुगलले आउँदो मार्च ३० तारिखमा नर्थ म्यासेडोनियाको सामना गर्ने भएको छ। प्ले अफकै अर्को खेलमा भने वेल्सले अष्ट्यिालाई हराएको छ।

इटालीले अन्तिम पटक सन् २०१४ को विश्वकप खेलेको थियो। त्यो विश्वकप ऊ समूह चरणबाटै बाहिरिएको थियो। त्यसअघि सन् २०१० को विश्वकपमा पनि उसले नकआउटमा स्थान बनाउन सकेन। सन् २००६ को विश्वकपमा इटालीले अन्तिम पटक कनआउट खेल खेलेका थियो। 

इटाली सन् २००६ को विश्वकपको विजेता समेत हो। तर, उसले लगातार दुई विश्वकप गुमाएको छ।