यू-१८ साफ च्याम्पियनसिपका चारै खेलमा नेपाल पराजित

यू-१८ साफ च्याम्पियनसिपको अन्तिम खेलमा पनि नेपाली महिला टिम पराजित भएको छ। भारतको जमशेदपुरमा भर्खरै सम्पन्न खेलमा भएको नेपालको अन्तिम खेलमा नेपाल पराजित भएको हो।

नेपाल समय | बुधबार, चैत ९, २०७८

नेपाल समय

बुधबार, चैत ९, २०७८

यू-१८ साफ च्याम्पियनसिपका चारै खेलमा नेपाल पराजित

काठमाडौं– यू-१८ साफ च्याम्पियनसिपको अन्तिम खेलमा पनि नेपाली महिला टिम पराजित भएको छ। भारतको जमशेदपुरमा भर्खरै सम्पन्न खेलमा भएको नेपालको अन्तिम खेलमा नेपाल पराजित भएको हो।

नेपालले पहिलो हाफमै बनाएको अग्रता जोगाउन नसक्दा हार व्यहोरेको हो। खेलको पहिलो हाफमा नेपाली स्ट्राइकर अमिषा कार्कीले गोल गर्दै नेपाललाई अग्रता दिएकी थिइन्।

पहिलो हाफमा नेपालले अग्रता बचाए पनि दोस्रो हाफमा भने नेपालले दुई गोलको सामना गर्‍यो। नेपालविरुद्ध बंगलादेशका सामसुन्नहर र साधना अक्त रिपाले गोल गरे।

यससँगै नेपालले साफको चार खेलमा नै हार बेहोरेको छ। तीन देश सम्मिलित प्रतियोगितामा नेपालले भारतसँग दुई र बंगलादेशसँग दुई खेल खेलेको थियो। ति सबै खेलमा नेपालले हार व्यहोरेको हो।

आजको जितसँगै बंगलादेशले प्रतियोगिताको ६ अंक बनाएको छ। भारतको भने ९ अंक रहेको छ। प्रतियोगिताको उपाधिका लागि अन्तिम खेलमा भारत र बंगलादेश भिड्नेछन्।

प्रकाशित: Mar 23, 2022| 21:38 बुधबार, चैत ९, २०७८