शेखर समूहको बैठक : निर्वाचन र भातृसंस्थाको समिति गठनबारे छलफल हुँदै

काठमाडौं- नेपाली कांग्रेसका नेता डा. शेखर कोइराला समूहले बैठक डाकेको छ। चैत ११ गते हुने केन्द्रीय समितिको बैठक अघि शेखर समूहले आफू पक्षीय नेताहरुको बैठक डोकेको हो। कमलपोखरी स्थित एक होटलमा २ बजे काठमाडौंमा उपलब्ध नेताहरुलाई डाकिएको छ।

भेलामा भातृसंस्थाका तदर्थ समिति गठन, संसदीय समिति गठन र स्थानीय निर्वाचनका सन्दर्भमा छलफल हुने एक नेताले जानकारी दिए। ‘संसदीय समिति गठन, भातृसंस्थाका तदर्थ समिति गठन र निर्वाचनका बारेमा छलफल गर्न बस्न लागेका हौं,’ एक नेताले भने। 

बैठकमा उपसभापति धनराज गुरुङ, महामन्त्री गगन थापा, सहमहामन्त्रीहरू बद्री पाण्डे र जीवन परियारलगायत केन्द्रीय सदस्यहरू उपस्थित हुने बताइएको छ। बुधबार बिहान मात्रै डा. शेखरले प्रधानमन्त्री तथा पार्टीका सभापति शेरबहादुर देउवासँग टेलिफोन संवाद गरेका थिए।

दुई नेताबीच भातृसंस्थाका तदर्थ समिति गठन, संसदीय बोर्ड गठन र निर्वाचनका सन्दर्भमा छलफल भएको थियो।