शरदचन्द्र शाहलाई मरणोपरान्त एनएसजेएफ स्पोर्टस लाइफटाइम एचिभमेन्ट अवार्ड

काठमाडौं– राखेपका पूर्व सदस्यसचिव शरदचन्द्र शाह मरणोपरान्त लाइफटाइम एचिभमेन्ट अवार्डबाट सम्मानित भएका छन्। देशका धेरै जिल्लामा कभर्डहल निर्माण गरेका शाहलाई नेपाल खेलकुद पत्रकार मञ्चले लाइफटाइम अचिभमेन्ट अवार्डबाट सम्मानित गरेको हो।

उनको पालामा धेरै खेल संघ मैलाएका थिए। उनको पालामा अन्तर्राष्ट्रिय खेलाडीले पनि धेरै अवसर पाए। त्यो बेलामै नेपालका १६ खेलाडीले ओलम्पिक खेलेका थिए। तर उनको राखेपमा अन्तिम पटक सम्झनलायक बनेन। रंगशालामा ठूलो आँधीबेहरी आएर दर्शकको निधन भएपछि उनले सदस्य सचिवबाट राजीनामा दिएका थिए।

त्यसो त राजनीतिलाई जोडेर हेर्दा उनी विवादास्पद बने तर उनले खेलकुदमा जति गरे त्यति सायद कसैले गर्ला। उनी विकास, गतिशिलता र अनुशासनको मूल मन्त्र बोकेर विकास गरेको उनकी छोरी मेनका शाहले बताएकी छन्।