एनएसजेएफ स्पोर्टस पिपल्स च्वाइस अवार्ड एलिनालाई

काठमाडौं– टेबल टेनिसकी खेलाडी एलिना महर्जन एनएसजेएफ पल्सर स्पोर्टस अवार्ड अन्तर्गत पिपल्स च्वाइस अवार्डबाट सम्मानित भएकी छन्। उनले सर्वाधिक ४७.८३ प्रतिसत भोट पाउँदै यो अवार्ड जितेकी हुन्। 

पिपल्स च्वाइसमा सन्तोषी श्रेष्ठ,  कुशल भुर्तेल, एन्जिला तुम्बाप्पो सुब्बा र प्रिन्स दाहाललाई पछि पार्दै एलिनाले अवार्ड जितेकी हुन्। 

यो विधाका लागि चार तरिकाले भोटिङ गरिएको थियो। जहाँ ५० प्रतिशत भोट ईसेवाबाट गरिएको थियो भने २५ प्रतिशत भोट फेसबुक लाइक र १२.५ प्रतिशत भोट विभिन्न क्लबका प्रशिक्षकले गरेका थिए।  यसरी पाएको भोटका आधारमा एलिनाले पिपल्स च्वाइस अवार्ड विजेता बनेकी हुन्।

उनले अवार्ड जितेकोमा आफूलाई भोट गर्ने सबैलाई धन्यवाद दिएकी छन्। उनले आफ्नो पुलिस क्लबलाई पनि धन्यवाद दिएकी छन्।