दशककै उत्कृष्ट प्रशिक्षकको अवार्ड जगत टमाटालाई

काठमाडौं– दशककै उत्कृष्ट प्रशिक्षक बनेका छन् क्रिकेट प्रशिक्षक जगत टमाटा। नेपाल खेलकुद पत्रकार मञ्चले उनलाई यो अवार्र्डबाट सम्मानित गरेको हो। 

उनको प्रशिक्षणमा नेपाली टिमले ठूलो प्रतियोगिता जितेको छ। उनी राष्ट्रिय टिमको प्रशिक्षक रहँदा नेपाल डिभिजन पाँचदेखि विश्वकपसम्म पुगेको थियो। एकदिवसीय मान्यता दिलाउन पनि उनले नेपाली टिममा ठूलो भूमिका खेलेका छन्। 

दशककै सर्वाधिक सफल प्रशिक्षकले सम्मानित भएपछि उनले यो सम्मान आफूलाई सहयोग गर्नेलाई समर्पण गरेको बताएका छन्। उनले आफ्नो क्रिकेट टिम, संघ, राखेप र मन्त्रालयलाई धन्यवाद दिएका छन्। उनले परिवारलाई दिने समय कटाएर क्रिकेटलाई समय दिएको बताए। ४२ वर्षे लामो समयमा उनले क्रिकेटमा धेरै कुरा गरेको बताएका छन्।