एनएसजेएफ स्पोर्टस अवार्डमा पारा एथलिटको उपाधि सरिता थुलुङलाई

काठमाडौं– नेपाल खेलकुद पत्रकार मञ्चले आयोजना गर्ने स्पोर्टस अवार्डमा पारा एथलिट अवार्डबाट सरिता थुलुङ सम्मनित भएका छन्। तीन वर्षमा पोलियो भएकी उनले एक खुट्टा गुमाएकी थिइन्। उनी घिस्रिएर स्कुल जान्थिन्।

पछि संगीतमा लागेकी उनले पारा खेलकुदमा लागेकी थिइन्। खाइपाइ आएको जागिरसमेत छोडेर एथलेटिक्समा लागेकी उनलाई मञ्चले पारा एथलिट अवार्डबाट सम्मानित गरेको हो।

खेलको इच्छा शक्तिका कारण विश्व पारा च्याम्पियनसिपमा पनि उनले नेपालको प्रतिनिधित्व गरिसकेकी छन्। ‘आफूलाई आत्मविश्वास हुनुपर्छ। शरीरमा समस्या भयो त के भयो दिमाग त ठिक छ। आफूले आफूलाई धेरै विश्वास गर्नुपर्यो। शरीरको लागि त उपकरण बनेका छन् नि,’ उनले भनिन, ‘विशेष गरेर नेपालको खेलकुद पत्रकार मञ्चलाई धन्यवाद। यसले मेरो संघर्षको यो सम्मान गरेको छ। म जस्तै अपांगलाई यसले धेरै प्रेरणा दिएको छ। उनले फरक क्षमता भएका खेलाडीलाई सहयोग गर्ने बताएकी छन्।

आज मंगलबार प्रज्ञा प्रतिष्ठानमा आयोजित अवार्डमा उनी सम्मानित भएकी हुन्।