'टिम अफ द इयर' बन्यो नेपाली फुटबल टोली

काठमाडौं– नेपाली राष्ट्रिय फुटबल टिम टिम अफ द इयर बनेको छ। गत वर्षको थ्री नेसन्स कप जितेको नेपाली फुटबल टिम नेपाल खेलकुद पत्रकार मञ्चले दिने अवार्डबाट सम्मानित भएको हो।

नेपाल घरेलु भूमिमा च्याम्पियन बनेको थियो। नेपालले ३७ वर्षपछि उक्त उपाधि जितेको थियो। समग्रमा यो नेपाली फुटबलले जितेको पाँचौं उपाधि हो। 

कार्यक्रममा एन्फाका अध्यक्ष कर्माछिरिङ शेर्पाले नेपाली फुटबलमा कोरोनालाई ब्रेक गरेर खेललाई अघि बढाउन सकेको बताए। ‘हामीले त्यो बेलामा १८० दिनसम्म खेलाडीलाई क्याम्पमा राखेका थियौं। त्यो मेहनत सफल भएको छ। धेरै मेहेनेत गर्यो भने त्यो सफल हुने रहेछ भन्ने लागेको छ,’ उनले भने।