यू-१८ साफ च्याम्पियनसिपमा नेपालको लगातार तेस्रो हार

काठमाडौं- भारतको जमशेदपुरमा जारी यू १८ महिला साफ च्याम्पियनसिपमा नेपालले तेस्रो हार बेहोरको छ। यो हारसँगै नेपालले उपाधिको यात्रामा पूर्णविराम लगाएको छ।

पहिलो खेलमै आयोजक भारतसँग ७–० को हार बेहोरेको नेपालले आजको खेलमा ०-३ को हार बेहोरेको छ।

नेपालका लागि एकमात्र गोल सदिपा भोलानले गरिन्। दोस्रो हाफमा मैदान छिरेकी उनले खेलको ७९ औं मिनेटमा गोल गरेकी थिइन्।

भारतका लागि नितू लिन्डाले ह्याट्रिक गरिन्। उनले खेलको २३, ३८ र ६१ औं मिनेटमा गोल गर्दै ह्याट्रिक पूरा गरेकी हुन्। त्यस्तै, भारतका लागि कप्तान सिल्की देवी हेमम र अनिता कुमारीले समान १–१ गोल गरे।

नेपालले प्रतियोगितामा अहिलेसम्म १६ गोलको सामना गरिसकेको छ भने तीन गोल मात्र गर्न सफल भएको छ। नेपालले बंगलादेशसँग ४–२ को हार बेहोरेको थियो।

नेपालको प्रदर्शन र आजको हारपछि तीन देखि सम्मिलित च्याम्पियनसिपको पुछारमा बस्ने निश्चित भएको छ।