युएईविरुद्ध बलिङ गर्दै नेपाल

काठमाडौं- आईसीसी पुरुष क्रिकेट विश्व कप लिग दुई अन्तर्गतको त्रिकोणात्मक सिरिजमा नेपालले आयोजक युएईविरुद्ध बलिङ गर्ने भएको छ। 

दुबई क्रिकेट रंगशालामा टस जितेर नेपालले घरेलु टोली युएईविरुद्ध बलिङ गर्ने भएको हो। यो नेपालले युएईविरुद्ध खेलेको तेस्रो सिरिज हो। 

अघिल्लो खेलमा कमजोर ब्याटिङका कारा हार व्यहोरेको नेपालले आज तीन खेलाडी परिवर्तन गरेको छ। अघिल्लो खेलमा ब्याटिङ नचल्दा ४८ रनले परजित भएको नेपाल आजको जितको लक्ष्य लिँदै मैदान उत्रिएको हो।

घरेलु टोली युएईविरुद्ध नेपालले नेपालले ओपनर आसिफ शेख, फास्ट बलर कमलसिंह ऐरी र स्पिनर सागर ढकाललाई बेन्चमा राख्ने निर्णय गरेको छ। उनीहरुको स्थानमा भने विकेटकिपर विनोद भण्डारी, विक्रम सोब र पवन सर्राफ प्लेइङ–११ मा फर्किएका छन्।

नेपालले १० खेलमा ५ जित निकाल्दै १० अंक जोडेको छ । नेपाल छैटौं स्थानमा रहेको छ । यूएई भने १७ खेलमा ९ जित निकाल्दै २० अंकका साथ दोस्रो स्थानमा छ।