यू–१८ साफ : नेपालले दोस्रोपटक भारतको सामना गर्दै

काठमाडौं- साफ यू १८ महिला फुटबल प्रतियोगिता अन्तर्गत आज नेपाल र भारतको खेल हुँदैछ। भारतको जमशेदपुरमा आयोजना भइरहेको साफ च्याम्पियन्सिपमा नेपालले भारतको सामना गर्न लागेको हो।

प्रतियोगितामा नेपालले यसअघि नै दुई हार बेहोरिसकेको छ। दुवै खेलमा भारतले जित निकालेको छ भने बंगलादेशले नेपाललाई हराएको छ भने भारतसँग हार बेहोरेको छ।

नेपालले प्रतियोगिताको उद्घाटन खेलमा भारतसँग ७-० को लज्जास्पद हार बेहोरेको थियो। त्यसपछि नेपालले बंगलादेशसँग पनि हार बेहोरेको थियो।

नेपालले बंगलादेशससँग ४–२ को हार बेहोरेको हो। नेपालका लागि दिपा शाही र अमिषा कार्कीले गोल गरेका थिए।

नेपालले आज दोस्रो पटक भारतको सामना गर्न लागेको हो। त्यसैले नेपाल पहिलो खेललाई बिर्सिएर आजको खेलमा जित निकाल्ने लक्ष्यका साथ मैदान प्रवेश गर्नेछ। प्रतियोगितामा नेपालले चार खेल खेल्नेछ। त्यसमध्येको यो तेस्रो खेल हो।

भारतले अहिलेसम्म ६ अंक बनाएको छ भने बंगलादेशको ३ अकंक छ। नेपालले अहिलेसम्म खाता खोल्न सकेको छैन।