एसिया कप क्रिकेट क्वालिफाएर खेलको तालिका सार्वजनिक

काठमाडौं-एसियन क्रिकेट काउन्सीलले एसिया कप-२०१८ को क्वालिफाएर खेलको तालिका सार्वजनिक गरेको छ । एसिया कप क्वालिफाएर खेल मलेसियामा अगस्ट २७ देखि सुरु हुने भएको छ । 

क्वालिफाएर खेल अगस्ट २७ मा सुरु भएर ७ सेप्टेम्बरसम्म चल्ने एसीसीले जानकारी दिएको छ । क्वालिफाएर खेलमा टेष्ट खेल्ने राष्ट्र बाहेकका उत्कृष्ट राष्ट्रले खेल्नेछन् । उक्त खेलमा  नेपालसहित युएई, हङकङ, मलेसिया, सिंगापुर र ओमान छन् । 

राउण्ड रोविन लिगपछि यस प्रतियोगिताको विजेता युएईमा हुने एसिया कप खेल्नेछ । जसमा भारत, पाकिस्तान, श्रीलंका, बंगलादेश र अफगानिस्तान हुनेछन् । एसिया कप क्वालिफायरको विजेता एसिया कपको समूह चरणमै भारत र पाकिस्तानसँग खेल्न पाउनेछ । 

एसिया कप सेप्टेम्वर १५ देखि २८ सम्म युएईको दुबई र अबुधावीमा हुनेछ ।