निर्वाचन जित्न गठबन्धनको भर होइन, आफ्नै खुट्टामा उभिने हो : प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले स्थानीय चुनावमा गठबन्धनको भर परेर पार्टीका नेता तथा कार्यकर्ता बस्न नहुने बताएका छन्।

नेपाल समय | आइतबार, चैत ६, २०७८

नेपाल समय

आइतबार, चैत ६, २०७८

निर्वाचन जित्न गठबन्धनको भर होइन, आफ्नै खुट्टामा उभिने हो : प्रचण्ड

काठमाडौं- नेकपा माओवादी केन्द्रका अध्यक्ष पुष्पकमल दाहाल प्रचण्डले स्थानीय चुनावमा गठबन्धनको भर परेर पार्टीका नेता तथा कार्यकर्ता बस्न नहुने बताएका छन्।

आइबार पोखरामा सञ्चारकर्मीसँग कुराकानी गर्दै अध्यक्ष प्रचण्डले गठबन्धनभन्दा पनि माओवादी आफ्नै खुट्टामा उभिएर निर्वाचनमा जानुपर्नेमा बताएका हुन् ।

‘निर्वाचनमा एक्लै जाने कि गठबन्धन गरेर जाने भन्ने विषय पनि उठ्ने गरेको छ। गठबन्धन होला र जितौंला भनेर बस्ने होइन, जनतासँग सम्बन्ध राम्रो बनाउँदै आफ्नै खुट्टामा उभिएर चुनाव जित्ने हो,’ उनले भने। उनले अन्य दलका नेताहरूसँग गठबन्धन गर्ने विषयमा छलफल भने जारी रहेको बताएका छन्।

उनले गठबन्धनमा हुन सक्ने गरी तालमेल गरिने तर प्राथमिकता भने आफ्नै खुट्टामा उभिएर चुनावमा जाने हुनुपर्ने बताए।

प्रकाशित: Mar 20, 2022| 08:57 आइतबार, चैत ६, २०७८