नेपालले लियो युएईको दुई विकेट

काठमाडौं- आईसीसी विश्वकप लिग २ अन्तर्गत आज यूएईको दुबई अन्तर्राष्ट्रिय रंगशालामा नेपाल र यूएई भिड्दैछन्। पहिलो खेलमा पपुवा न्यु गिनी(पीएनजी) विरुद्ध जित निकालेको टिमले दोस्रो खेलमा यूएईको सामना गरिरहेको छ।

खेलको पावर प्ले सकिँदा यूएईले दुई विकेट गएको छ। नेपाली तिब्र गतिका बलर सोमपाल कामीले यूएईका दुवै विकेट गिराएका हुन्। उनले विकेट गिराएसँगै यूएईको आक्रामक सुरुआतमा दबाब परेको छ।

सोमपालले तीन ओभर पाँच बलमा चिराग सुरीलाई आउट गराए भने छैटौं ओभरको पहिलो बलमा भृतिय अरविन्दलाई आउट गराएका हुन्। आईसीसी टी २० को ग्लोबल छनोट खेल्दा नेपालविरुद्ध विश्फोटक ब्याटिङ गरेका अरविन्दले आज चार बलमा तीन रन मात्र बनाउन सके।

सवा ११ बाट सुरु हुने खेलमा आयोजक यूएईले टस जितेर ब्याटिङ राजेको हो। यसअघि पपुवा न्युगिनीले पनि टस जितेर ब्याटिङ राजेको थियो। सो खेलमा नेपालले पीएनजीविरुद्ध संघर्षपूर्ण जित निकालेको थियो।

नेपाल आजको खेलमा पनि जित निकाल्दै दुई अंक जोड्ने दाउमा हुनेछ नेपालले आजको खेलमा जित निकाल्न सके नेपालले १२ अंक बनाउनेछ।