विष्णु रिमालको प्रश्न- प्रधानमन्त्रीले चुनाव लड्दा पद खाली गर्नु पर्दैन?

काठमाडौं- निर्वाचन आयोगले स्थानीय तहको निर्वाचनका लागि बनाइएको आचारसंहिताप्रति नेकपा एमालेका उपमहासचिव विष्णु रिमालले असन्तुष्टि जनाएका छन्। 

बिहीबार राजपत्रमा प्रकाशित निर्वाचन आचारसंहिता २०७९ प्रति उपमहासचिव रिमालले शुक्रबार सामाजिक सञ्जालमार्फत असन्तुष्टि जनाएका हुन्।

उनले आचारसंहितामा भएको स्थानीय तहको निर्वाचनमा उम्मेदवारी घोषणा गर्नुअघि पदमा रहेकाहरूले राजीनामा दिनुपर्ने प्रावधानप्रति असन्तुष्टि जनाउँदै सामाजिक सञ्जालमा प्रश्न गरेका छन्, 'प्रधानमन्त्रीले चुनाव लड्दा पद खाली गर्नु पर्दैन?'

रिमालले स्थानीय तहका पालिका अध्यक्ष वा मेयरले पनि पद खाली गर्न नहुने तर्क गरेका हुन्। ‘प्रधानमन्त्रीले चुनाव लड्दा पद खाली गर्नु पर्दैन।  स्थानीय तहका ‘प्रधानमन्त्री’ (पालिका अध्यक्ष वा मेयर चाहिँ पद खाली गरी चुनावमा जानू अघि जनतालाइ दिनुपर्ने सेवा नै बन्द गर्नुपर्ने किन?’, उनले लेखेका छन्।

उनले निर्वाचनमा जाँदा पदको दुरुपयोग नहोस् भनेर सोच्नुपर्ने तर त्यसलाई देखाएर काम नै रोक्न नहुने तर्क गरेका छन्।

प्रधानमन्त्रीले चुनाव लड्दा पद खाली गर्नु पर्दैन।
स्थानीय तहका "प्रधामन्त्री"-पालिका अध्यक्ष वा मेयर चाहिँ पद खाली गरि चुनावमा जानू अघि जनतालाइ दिनुपर्ने सेवा नै बन्द गर्नुपर्ने किन? निर्वाचनमा जादा पद्को दुरुपयोग नहोस् सोच्नु पर्ला तर यसलाई देखाएर काम नै रोक्नु कसरी ठिक हुन्छ?

— Bishnu Rimal (@BishnuRimal) March 18, 2022