एथलेटिको मड्रिड विजयी, आर्सनल पेनाल्टीमा ३-१ ले पराजित

काठमाडौं- प्रि-सिजनको इन्टरनेसनल च्याम्पियन्स कप फुटबलमा एथलेटिको मड्रिडले विजय हात पारेको छ। बिहिबार साँझ दि नेस्नल स्टेडियममा भएको खेलमा मड्रिडले आर्सनललाई पराजित गरेको हो। 

निर्धारित समयको खेलमा दुवै टोलीबाट समान १-१ गोल गरेपछि खेलनको निर्णय पेनाल्टि सुटआउटमा पुगेको थियो ।  पेनाल्टी सुटआउटमा अर्सनल ३-१ ले पराजित भएको हो। 

खेलको ४१ औं मिनेटमा मड्रिडका लागि लुकियनो भिएट्टोले गरेको थिए। पहिलो हाफमा मड्रिडले १-० को अग्रता बनाएको थियो। दोस्रो हाफको शुरुवाती समयमा नै आर्सनले गोल गर्दै खेल १-१ को स्थितिमा पुर्‍याएका थिए। 

आर्सनलका लागि खेलको ५४ औं मिनेटमा एमिले स्मीथ रोवेले गोल गरेका थिए । प्रतिस्पर्धात्मक बनेको खेलको दुबै टिमले केहि मौका गुमाएका थिए। प्रि-सिजनको इन्टरनेसनल च्याम्पियन्स कप फुटबलमा दुवै टोलीको यो पहिलो खेल हो। मड्रिडले आफ्नो पहिलो खेल जित्दै तीन अंक जोडेको छ।