प्रशिक्षणका लागि थाइल्याण्ड जाने नेपाली टोलीको घोषणा

काठमाडौं- १० दिने प्रशिक्षणका लागि थाइल्याण्ड जाने नेपाली राष्ट्रिय पुरुष फुटबल टोलीको घोषणा भएको छ। २९ खेलाडीको सहभागीता रहने उक्त प्रशिक्षणका लागि राष्ट्रिय टिम आगामी शुक्रबार थाइल्याण्ड प्रस्थान गर्ने भएको हो। 

प्रशिक्षणले आउदै गरेको एशियन गेम र साफलाई मद्दत पुग्ने मुख्य प्रशिक्षक ग्योतोकु कोजीले बताएका छन्। एसियन गेम आउदो अगस्ट १४ तारिखदेखि सेप्टेम्बर १ सम्म इन्डोनेसियामा चल्ने छ। त्यस्तै साफ च्याम्पियनसिप सेप्टेम्बर ४ तारिखदेखि बंगलादेशमा आयोजना हुँदैछ।
 
एसियन गेममा समूह डी मा रहेको नेपाल, एसियाको पावर हाउसको रुपमा मानिएको जापानसँगै भियतनाम र पाकिस्तान रहेका छन् भने साफमा नेपाल आयोजक राष्ट्र बंगलादेशसँगै पाकिस्तान र भुटान रहेका छन्। नेपाली राष्ट्रिय टिमले एसियन गेम र साफका लागि तीन महिना देखि काठमाडौंमा प्रशिक्षण गरिरहेको थियो।

प्रशिक्षणका लागि थाइल्याण्ड जाने २९ खेलाडीको नामावली

अविशेक रिजाल, आदित्य चौधरी, एलन न्यौपाने, अनन्त तामाङ्, अन्जन विष्ट, भरत खवास, विकेश कुथु, विमल घर्तिमगर, विराज महर्जन, विशाल राई, देवेन्द्र तामाङ, दिनेस राजवंसी, गौरभ बुढाथोकी, गोर्गे प्रिन्स कार्की, हेमन गुरुङ, हेमन्त थापामगर, कमल श्रेष्ठ, किरण चेम्जोङ, नवयुग श्रेष्ठ, रविन श्रेष्ठ, रोहित चन्द, सन्तोस तामाङ, सोजित गुरुङ, सुजल श्रेष्ठ, सुमान अर्याल, सुमान लामा, सुनिल बल, तेज तामाङ र छिरिङ गुरुङ रहेका छन्।