छ खेलाडी सम्मिलित तेक्वान्दो टोली बेल्जियम जाने

काठमाडौं- बेल्जियन ओपन जी-२ तेक्वान्दोमा प्रतियोगितामा सहभागी हुन ६ पुरुष खेलाडीसहित १० सदस्यीय नेपाली तेक्वान्दो टोली बिहीबार बेल्जियमको लोमेल प्रस्थान गर्ने भएको छ।

चैत ५ देखि ६ गतेसम्म हुने प्रतियोगिताको लागि नेपाली टिम त्यसतर्फ प्रस्थान गर्न लागेको हो।

प्रतियोगितामा ८० केजीमुनि धनबहादुर दराई, ७४ केजीमा दीपेन्द्रबहादुर नेपाली, ६८ केजीमा शिशिर श्रेष्ठ र वीरबहादुर महरा, ६३ केजीमा अब्बास खान तथा ५४ केजीमा महोहम्मद उमर खानले नेपालको चुनौती पेश गर्ने छन्। 

टोलीमा २ खेलाडी १३ औं दक्षिण एसियाली खेलकुद (साग) का पदक विजेता छन्। १३ औं सागमा वीरबहादुरले स्वर्ण तथा शिशिरले कांस्य जितेका थिए।

टोलीका मुख्य प्रशिक्षकमा गोपाल श्रेष्ठ र प्रशिक्षकमा रोशन खान तथा व्यवस्थापकमा सैलेश श्रेष्ठ रहेका छन्। ग्योरोगीका सेकेन्ड क्लास निर्णायक अशोक खड्काले प्रतियोगितामा निर्णायकको भूमिका निर्वाह गर्ने छन्।